Избрани новости од раководството на ИКТ-АКТ, конференциите и пошироката професионална заедница.
ICT Innovations 2025, 17. издание на конференцијата ICT Innovations, се одржа од 11 до 13 октомври 2025 година во Метропол Лејк Резорт, Охрид. Темата на конференцијата беше „AI and the Digital Frontier: Reshaping Modern Society Through Technology and Computer Science“.
Хакатонот „Виртуелна иновација во акција“ се одржа на 28 јуни 2025 година на ФИНКИ, со почеток во 09:00 часот. Организиран како дел од курсот Виртуелна реалност, беше отворен за студенти заинтересирани за развој на апликации за виртуелна реалност, а поддржан од ИКТ-АКТ и IEEE.
Проф. Матјаж Гамс од Институтот „Јожеф Стефан“ во Љубљана одржа гостинско предавање на 9 јуни 2025 година во 12:00 часот на тема „Superintelligence is coming – how and when? (Суперинтелигенцијата доаѓа – како и кога?)“. Настанот беше организиран со поддршка на ФЕИТ, ФИНКИ, поглавјата на IEEE North Macedonia Section, ИКТ-АКТ, EuroCC2 и ChatMED.
Здравко Николовски, технички директор (CTO) во Augment IT, одржа гостинско предавање на ФИНКИ на тема „Virtual Reality“. Предавањето се однесуваше на виртуелната реалност, просторното компјутирање, проширената и мешаната реалност, модерните VR уреди, развојот на апликации и корисничкото искуство.
Собранието на ИКТ-АКТ го избра моменталното раководство на Здружението во 2025 година. На Собранието беа дискутирани и активностите на здружението и конференциските извештаи за претходната година.
Весна Димитриевска, доктор на технички науки, од Silicon Austria Labs во Филах, одржа гостинско предавање на ФИНКИ на тема „Explainable Machine Learning via Concept Bottleneck“. Настанот беше коспонзориран од ФЕИТ, ФИНКИ, проектот Explainable AI, проектот EuroCC и ИКТ-АКТ.
